http://cjitl.org

CJITL flash, Nu'udar feto faluk senti laran susar no hetan difikuldade oi-oin hodi sustenta oan nain hat maibe sempre iha korajen no esforsu an hodi buka moris liu husi dudu gerobak hodi fa'an sasan atu nune’e bele sai husi problema ne’ebe iha.

Natalina Ximenes  ho idade (31) ne’ebe hatutan vida moris ho dudu gerobak durante tina 4 nia laran  ona iha tasi ibun Palacio Governu nia sorin tenik katak razaun faan sasan iha dalan ninin atu sustenta familia uma laran.

“Hau fa'an sasan iha ne’e tanba atu sustenta familia uma laran”, katak Natalia iha Tasi Ibun Palasiu Governu-Dili, Tersa, (27/07).
 
Feto faluk ne’e tenik razaun halo negosiu iha dala ninin ne’e tanba iha resposabilidade boot ba nia ona nain hat ne’ebe sei ki’ik hotu tanba nia laen mate ona iha tinan 2002 ho moras kanker.

Tanba susar hetan osan nia husu ajuda ba labarik sira nia tiun hodi seluk sira nia eskola.

“Hau nia kaben mate tiha ona iha 2002 tanba hetan moras kanker  hau iha oan nain 4  feto tolu mane ida”, dehan nia. “Nain rua deit mak eskola maibe laos hau mak selu, nia tiun sira mak fo eskola tanba hau nudar faluk laiha kapasidade ne’ebe as  atu selu sira hotu ba eskola”.
 
Tuir nia buat hotu sei la’o diak wainhira ema ne’ebe ita hadomi nudar laen iha ita nia sorin kuana maibe wainhira ema ne’ebe ita hadomi nudar laen mate no husik ita maka susar no terus sempre mosu mai ita bebeik.

Atividade faan sasan ne’e hala’o lor-loron hahu husi dadersan to’o loraik hetan deit U$. 4.00 ou 5.00 deit. No husi rendementu ne’e sosa fali sasan seluk hodi faan kontinuasaun.
 
“Hau husu ba governu ida agora ne’e atu bele tau netik fali fatin ruma hanesan uluk tempu Indonesia nia loke pate asuhan ba ema oan kiak sira nebe inan naman laiha kapasidade atu fo oan sira ba eskola”, katak nia. (Madalena Horta /CJITL)