CJITL flash, Impaktu husi udan bo’ot foin lalais iha Kapital Dili ne’ebe konsege sobu eskola Sergio Viera de Melo halo estudante rihun ba rihun fahe malu tanba tenki muda ba fatin balun iha Dili.

Adriano Nahak (15) estudante eskola Sergio Veira de Melo sente la kontente udan boot ne’e halo be sobu sira nia eskola no tenki fahe malu ho kolega sira tanba parte Ministeriu Edukasaun fahe ona sira ba fatin balun.

“Ami estudante  sira fahe ami Namkari balun iha SMKK, SMEA no balun iha Aituri laran”, dehan estudante ne’e, iha Becora, Kinta foin lalais ne’e.

Tanba ne’e nia husu ba ministeriu ne’ebe kompetente atu tau matan lalais ba sira eskola nia kondisaun hodi bele hala’o atividade aprendizajen iha sira nia eskola rasik.

Iha parte seluk, mestri sira ida ne’ebe lakohi atu publika nia identidade mos sente la kontente atu husik sira nia eskola maibe tenki simu realidade tanba desizaun ne’e mai husi Ministeriu Edukasaun.

Tuir informasun katak rezultadu husi inundasaun ne’e halo eskola ne’ebe refere hetan estragus ekipamentus hanesan meja kadeira no sala tolu mak labele uza hodi halo porsesu aprendizajen tanba taho nakonu iha laran.

To’o notisia ne’e publika seidauk iha sinal positivu husi Ministeriu Edukasaun atu fo ajuda emergenisa ka halo rehabilitasaun ba eskola ne’ebe refere. (Madalen & Eva/CJITL)