Olandina Caiero/foto ist.

CJITL flash, Fulan kotuk komisaria  Olandina Caero promete ba publiku liu husi Centru Jornalista Investigativu Timor Leste (CJITL) katak atu selu tusan iha instituisaun Eletrisidade De Timor Leste-EDTL liu – liu deve konaba ahi eletrisidade hamutuk $9.410, 94 hahu kedan iha tinan 2006.maibe to’o agora seidauk selu.

“Olandina sedauk mai selu nia tusan iha EDTL” dehan Manager EDTL, Jose Fernandes iha Servisu fatin Kaikoli-Dili, Segunda, (15/03). “Nia seidauk mai kolia ho ami konaba nia problema ne’e, maibe ami sei ejiji nafatin nia to’o nia selu”.  

Menejer EDTL ne’e ameasa Eis Komisaria Conselhu Amezade, Verdade no rekonsiliasaun (CAVR) sei desliga ahi ba nia uma wainhira la selu tusan ne’ebe iha.

Iha fulan kotuk Olandina Caero rasik koalia atu selu tusan ne’ebe mak nia iha maibe nia mos  presija buka osan fulan tolu  to’o neen para hodi selu ba EDTL.

Nia mos dehan sei fa’an nia uma rasik hodi taka tusan husi EDTL maibe nia presiza tempo atu bele kompleta hanoin hirak ne’e.

“Hau pronto atu selu ba EDTL maibe hau presija buka osan fulan tolu to’o fulan neen” dehan Caero, (Domingos/CJITL)