Faustino Cardoso, dok

CJITL Flash, Joventudi katolika husi Estasaun Surikmas Dili-Dominggu foin lalais ne’e  kontinua hatudu espiritu serbisu ba konstrusaun Kapela São Miguel do Arcanjo liu husi orientasaun Prezidente Konstrusaun Faustino Cardos ne’ebe mos hanesan Prezidente Komisaun Eleisaun Nasional.

Objetivu husi servisu ne’e tuir Faustino katak “ hodi halibur sarani hotu-hotu hamutuk hasa’e orasaun ba Na’i Maromak hodi bele hetan grasa iha vida moris sarani ida-idak nian”.

Atividade ne’ebe hala’o durante loron ida nia laran ne’e, kria kreatividade ne’ebe mak bo’ot husi juventudi ida-idak nune’e konsege remata kedas tate rai henek ba area konstrusaun.

Atu hatene liu tan konaba progresu konstrusaun ba Kapela Estasaun Surik-Mas, tuir mai intervista ida ho Prezidente Komisaun Faustino Cardoso.

 

CJITL: Konstrusaun ba kapela ne’e inisiativu husi sarani ka  hetan ajuda husi governu?
Faustino Cardoso (FC): Konstrusaun ne’e mai husi inisiativa sarani estasaun ne’e rasik.

CJITL: Prosesu oinsa  mak  ita bo’ot sira bele hetan osan hodi realiza inisiativa ne’e.?
(FC): Sim, ami hala’o prosesu halibur osan tama uma ida-idak kada fulan durante tinana rua nia laran tuir kbi’it ne’ebe mak sarani iha.

 

CJITL: Total orsamentu hira mak konsege halibur ona?
FC: Durante ne’e ami foin hetan total orsamentu hamutuk rihun sanulu resin tolu ($13.000), Ami hetan mos ajuda husi Prezidente Ramos Horta rasik hamutuk U$.10.000 ne’ebe konsege remata tiha barajen ne’e.

CJITL: Mensajen saida mak ita boot fo ba joventudi estasaun ne’ebe ohin hatudu sira nia espiritu hodi espresa sentimentu solidaridade hodi serbisu ba iha kapela ida ne’e?
FC: Ha’u senti kapela nia kbi’it iha joven nia rasik  tamba ne’e jovem tenki hatudu dunik hahalok natureja fiar nian ne’ebe mak igreja iha, atu nune’e igreja tau fiar nafatin ba joventudi. (Mariano/CJITL)