Treinamentu Video CJITL

CJITL Flash, Atu habelar kuinemenstu konaba mundu jornalizmu nian, Centru Jornalista Investigativu Timor Leste  -CJITL, kontinua kapasita joventude hamutuk nain 52 liu husi treinamentu jornalista iha area investigativu, TV no Radio.Husi numero ne'e nain 22 sei sai jornalista TV bainhira remata iha Junho 2010.

Area treinamentu TV nu’udar area foun ne’ebe foin ba dala uluk CJITL halo maske treinamentu jornalista ne’e hahu tiha ona tinan rua liu ba.

Treinamentu iha tinan ida ne’e hanesan treinamentu ba dala ne’en ne’ebe oferese husi CJITL ba juventude Timor oan liu-liu juventude ne’ebe hela iha Kapital Dili.

Antes n’e CJITL mos fo ona treinamentu investigativu nian ba membru Provedoria Direitus Humanus, Gabinte Inspesaun Jeral, Lalenok Ba Ema Hotu no seluk-seluk tan.

Iha treinamentu ne’e partisipante sira senti kontenti no urgulhu tamba tuir sira katak jornalista iha koinesimentu barak, liu-liu eventu ne’ebe akontese iha rai laran” dehan Florindo de Jesus Massa.

Maski foin iha etape treinamentu deit maibe partisipantes sira kontinua optimista hakarak sai ema jornalista.

”Ha’u nia moris ha’u hakarak aprende buat barak tanba ne’e ha’u prefere liu hakarak liu sai hanesan ema jornalista, tamba iha area ne’e ita bele koinese buat barak liu” dehan Leonita da Silva Barros.

Iha okaziaun ne’e treinador CJITL ba area TV nian, Marcelino Perreira enkoraja katak “ wainhira ita sai nu’udar jornalista ita sei bele koinhese ema barak no ema barak mos sei koinhese ita” dehan nia.

Nia saliena tan “ jornalista ne’ebe diak, jornalista ne’ebe iha onestidade, imparsialdade, disiplina akurasia no balansu. (Mariano/CJITL)