foto CJITL dok.

Baucau flash, Joventude Fretilin hamutuk lideransa Fretilin Distritu Baucau hateten ho lian maka’as ba Grupu Fretilin Mudansa (GFM) ne’ebe lidera husi Jose Luis Guterres atu labele tama iha Distritu Baucau tanba, la rekonese sira militantes Fretilin.

Ameasa politiku ne’e Fretilin Baucau hato’o, relasiona ho Prezidente GFM ne’ebe lidera direitamente husi Jose Luis iha Suku Buruma, Sub Distritu Baucau, Distritu Baucau foin dadauk ne’e.

“Mak GFM uza nafatin atributu Fretilin iha Distritu Baucau, autoridade kompotentes la halo asaun maka jovenutude Fretilin atua rasik hodi defende partidu no lideransa partidu nia integridade” deklara Ivo Nio Jose Costa, juventude Fretilin Suku Caibada, Sub Distritu Baucau,Distritu Baucau.

Koordenador Fretilin Distritu Baucau, Talik Reis hateten sira rekonese deit Fretilin iha Distritu Baucau ida deit ne’ebe nia strutura lidera husi Fransisco Guterres “ Lu Olo” no Alkatiri.
“Iha Baucau Fretilin ida deit”deklara Talik.

Iha fatin hanesan Prezidente Partidu Fretilin Francisco Lu Olo deklara katak problema GFM nia entrega hotu ba juventude Fretilin tanba nia rasik la rekonese ona GFM parte Fretilin ninian.

Nune mos Sekretariu Jeral Partidu Fretilin Mari'i Alkatiri katak GFM ne’ebe lidera husi Jose Luis Guterres nia a’an konsidera hahalok ne’e nudar hahalok frustadu.

“Sira ne’e frustadu, du’un ba, du’un mai dehan hau mak fahe kilat, dehan ita Fretilin mak kria instabilidade.Sira tabele Xanana tanba 2012 sira la iha ona, Xanana mos kole ona ho sira, tabele husi sorin adves haruka hau mak sai aitonka mas hau la sai aitongka, Xanana mos kole ho AMP tempu to’o  aban bainrua kata Xanana sei rekonese nia uma iha ne’ebe” dehan Alkatiri.

Informa tan nia katak Alkatiri mos hateten katak nia la presiza GFM atu gosta nia tanba nia rasik nunka gosta GFM.

“Hau mos la gosta sira mais hau hanoin sira, tanba kuitadu sira tama mudansa kareta la’o ba kotuk bebeik “ dehan Mari'i. (edited news STL 22/03)