Longinhos M. ho Taur M. Ruak

CJITL flash, Maske Xefi Estado, Jose Ramos Horta foin fila husi vizita iha rai liur, Segunda Feira semana ne'e, Prezidente Republika tenki simu Komandante Siguransa nasional nian nain rua hanesan Komisariu Longinhos Monteiro, komandante Polisia Nasional Timor Leste - PNTL no mos Komandante Falintil Forca Defeza Timor Leste - FFDTL, Major Jenderal Taur Matan Ruak liu husi enkontro iha Palacio Prezidente, Aitarak Laran.

Enkontro ne'ebe hala'o kuaze oras ida resin ne'e taka ba publiku.

Hafoin Enkontro Taur Matan Ruak, deside la koalia ba media no reprezenta husi Longinhos Monteiru hodi esplika razaun no objetivu husi enkontro ne'e.

Ba jornalistas, Longinhos esplika katak, enkontro ne'e hala'o atu esplika no relata situasaun siguransa aktual ba Prezidente inklui mos aktividade operasaun konjunta iha Suai no Kovalima atu kaer ninja.

Nune'e mos, iha enkontro ne'e koalia konaba preparasaun atu selebra nia aniversariu PNTL ba dala 10 ne'ebe sei halao iha loron 27 Marcu iha Palacio Governu.

"Ami mai konvida Xefi estado atu participa no prezide oficialmente seremonia aniversariu PNTL ba dala sanulu iha loron hirak tuir mai" Long esplika (Domingos/CJITL)