CJITL flash, Polisia Nasional Timor Leste – PNTL, Departementu imigrasaun iha nia relatorio ikus liu husi intervista ho Reporter Centru Jornalista Investigativu Timor Leste – CJITL haktuir katak lalais ne’e sira kaptura ona feto estranjeiru nain 22 husi rai liu ne’ebe halo vida prostituisaun iha Timor Leste.

“Ami halo hela operasaun ba ema estranjeiru ne’ebe agora tama iha ita nia rai laran hodi halo aktividade hanesan protituisaun, primeiru sira mai uza vistu turista maibe sira dala barak viola fali vistu ne’e hodi halo aktividade oin-oin balun hodi halo negosiu no balun halo aktividade hanesan protituisaun” Dehan Adjunto Director Imigrasaun Luis S. Barreto. ha nia knar fatin Kaikoli,  Dili, Segunda (22/03).

”Ida ne’e ami sempre kontrola hodi kaptura hela sira, haruka sira multa, no haruka sira fila fali ba sira nia rai tuir lei ne’ebe vigura iha nasaun RDTL” Adjunto Director ne’e hatutan.

Ami identifika ona konaba protituisaun no ami sei kontrola hela no agora dadaun ne’e ami hare redus ona tamba uluk liu ami haruka fila barak,wainhira ami hetan haruka kaer no kaptura sira no haruka sira fila,sira mesak ema estranjeiru, iha fulan Febreiru tinan ida ne’e ami haruka ema nain 8 ne’e fila ona ba Indonezia, Tenik Barreto.

Iha fulan Janeiru ami kaptura ema nain 12 no sira mai husi nasaun barak hanesan Indonezia 6,China 1,Thailan 2,Vietnam 3, ne’ebe tama hanesan vistu turista maibe sira halo fali negosiu hanesan Protituisaun.

Iha Fulan Febreiru ami kaptura ema nain 10 sira ne’e mesak ema Indonezia, Dehan Luis.(Jessy/cjitl)