CJITL flash, Iha kuarta feira foin lalais ne’e Maijor General Falintil Forsa Defeza Timor Leste - FFDTL, Taur Matan Ruak no Prezidenti Republika Jose Ramos Horta hala’o enkontru segredu iha Palaciu Prezidente Nicolao Lobato Aitarak Laran-Dili.

Enkontru entre xefe estadu no xefe forsa frosa armada ne’ebe hala’o durante oras ida nian laran ne’e taka ba jornalista sira atu hetan informasaun.

Maijor Jeneral fitun rua ne’ebe bai-bain sempre fo komentariu konaba rezultadu ekontru ba jornalista sira iha palasiu prezidenti ne’e hatudu hahalok oin seluk tanba no comment maske jornalista sira duni atu husu rezulatdu enkontru ne’e.

“Hau urgente liu ne’e duni hau la bele fo komentariu”dehan Taur Matan Ruak no lalais sa’e nia kareta.

Antes ne’e, bainhira Ramos Horta sei iha vizita trabalho iha rai liur, Taur Matan Ruak hasai steitmentu ida katak lingua portugues iha tribunal tenki para ona husi Timor, no hahu uja lingua Tetum iha prosesu legal, keta karik asuntu ne’e mak sai diskusaun ho Prezidente Republika. (Domingos/CJITL)